Der 4. König
(© by Ko-Do 2007)



I bin der vierte könig
Bring myrrhe net und gold
Und scho gar kaan weihrauch
Weul mir der gruch net gfallt
Von mir kriagts klaane kindl
A sach, de ewig halt
I schenk eam freud an der musik
Bis 's söba grau und alt

I bin der vierte könig
Den kaaner heut mehr kennt
Weul er net gut riacht, und ka göd hat
An des hab i mi scho gwehnt
Dabei hat si's klaane kindl
Damals in dera nacht
Grad über mi am meistn gfreit
I hab als aanziger durt glacht

I bin der vierte könig
Net heilig und net weise
Und fromm scho überhaupt net
Und eher laut statt leise
I wünsch an jedn kindl
Auf dera scheenan wöd
Mehr freud und lachn und musik
Als pharmazie und göd