American TV (ORF)
(© by Ko-Do 2007)

Waaßt, was bei Sitcoms aus Amerika so frustig is ?
Ma muaß erst 5 Folgn segn, bevor ma waaß, was lustig is…
Da hülft scho sehr wanns eispüln den Applaus
Nur blendens den aa später nimmer aus...

Waaßt, bei de Simpsons kummts sehr auf die Dialoge an
Oba des hülft nix, weul i ma's net anschaun kann
Des soll a Comix sei, de bleden gelben G'frieser ?
Do zeichne i ja selber net vü mieser

Waaßt, a Homerun, des is sowas als wie a Tor
Beim Fuaßball, labert mir a Freund da vor
Sei Freundin is Cheerleader bei de Grammat-Newsaidl-Vikings
Der Ami-Sport wird sicher niemals mei Dings

Waaßt, daß in „Indy“ wirklich nur im Kraas fahrn tan ?
Daß der Hader und der Dorfer guade „comedians“ san ?
Und alles, weul a Steirer in California regiert
Und sich für sein Akzent durt net geniert

Waaßt, dass ma de Nachrichtn jetzt "news-flash" nennt ?
Dass ma de ORF-Gebühr bei Bankeinzug halt net „cash“ brennt ?
Sogar des Wetter wird „presented“ oder „powered“ by
Womeglich McDonalds, drum stöll i 's Fernsehn ei…