Die Anni und die Liesi (© by Ko-Do 2002)

Refrain Die Anni und die Liesi San so a liabes Gspann Wahrscheinlich weil die aane Ohne die andre garnet kann Und fangst dir mit der aan was an Dann kriagst die andere aa Die zwaa gibt's net im Single-Pack Die kriagst nur alle zwaa I hab unlängst a Liadl gschriebn Voll Herz und voller Gfü' Weul i so gern der Anni halt Was liabes sagen wü Doch wie des Leben manchmal rennt Triff i im Beisl heut Die Liesi und sie sagt zu mir Dei Liad hat mi sehr gfreit I lad sie auf a Saftl ein Zwa Bier, drei vier und mehr Und wie mir nachher gangen san Was angschlagn ziemlich schwer Wie i nextsmal die Anni triff Sagt sie du bleeda Bua Zahl mir nie wieder sovü Bier Weu i war ziemlich zua

Refrain So liab des Gspann aa sein mag Es macht scho manchmal Stress I sag was falsch' zur Liesi Und die Anni is ma bees Drauf steh i mit an Blumenstrauss Vor der Anni ihrer Tür I läut, da kommt die Liesi raus "Mei, des is liab von dir !" Jetzt kann i zwar die Liesi Genau wie d'Anni sehr guat leiden Nur denk i mir sche lanxam Da sollt ma si entscheiden I grübl hin, i grübl her Nach an Ausweg aus der Krise Ach was, i nimm's halt allwe zwaa Und ruaf sie Anneliese Refrain