A Oida Kämpfer
(Buffy Sainte-Marie / Arr. & Lyrics: Ko-Do 1998/2013)

Version 2013


Version 1998


Er is ans fuffzg und er is ans fünfaneinzg
Kämpft mit raketn – manchmoi hat er nur an speer
Er is 17, 18 jahr alt oder 41 und mehr
Er is a kämpfer scho von alters her
Er is katholisch, is a hindu, a atheist, a protestant
Er is a roter, blauer, grüner oder schwarz
Obwohl er waaß, er sollt's net tuan
(Er waaß genauso guat wia i)
Bringt er di für mi um oder mi für di
Und er kämpft amoi für d'freiheit
Und er kämpft für d'sklaverei
Er kämpft für beides gar zur söbn zeit
Er kämpft für gleichberechtigung
Und er kämpft für's macho-sein
Und glaubt, daß er irgendwen von irgendwas befreit
Er kämpft für redefreiheit
Und er kämpft für die zensur
Damit jeder was davon hat in dem land
Er is der, der mitbestimmt, wer lebt oder wer stirbt
Und er siecht nie so recht die zeichen an der wand
Doch ohne eam hätt's nie an hitler gebn,
Ka dachau und kan kriag
Ohne eam hätt cäsar nie beherrscht de wöd
Er gibt sein körper für an kriag her, den eh niemand wirklich braucht
Und ohne eam hättn de "großn" längst den schlauch
Er is hoit a oida kämpfer und schuld is nur er allan
Seine beföhle san scho lengst nimma von obn
Sie san von überall, von dir und mir
Und, freund, des ane sag i dir
So wird ka anziges problem wirklich behobn