Auf die Reise geh'
(Rodney Crowell / Emmylou Harris / Cory Chisel - Arr. & lyrics by Ko-Do 2015)



Ma muaß net jung sterbn mit aan lauten Knall
Weul des tuat aa scho leise weh
Aber der Aane oder And're wird auf jeden Fall
Irgendwann auf die Reise geh'

Und der Wind flüstert Namen, die habn Liader g'macht
Manche kennt ma aus dem Freundeskreise eh
Und bei fast an jeden hab i bei mir 'dacht
Des Liad solltert auf die Reise geh'

Auf der kaputten Welt muaß a jeder sein Mann
Auf sei ganz eigne Weise steh'
Es is guat, wamma drüber a Liad machen kann
Des wird dann auf die Reise geh'

Und Platzln gibts de san mehr Wert als Gold
Da sagen's aan dann meistens eh
Daß a Normalsterblicher gar net hingeh sollt
Genau durthin soll die Reise geh'

Wann dann langsam verklingt der letzte Ton
In der Dämmerung ganz leise verweht
Leg i mi stü nieder und traam davon
Wie mei Liad auf die Reise geht

Und des Liad haßt "Auf die Reise geh'"