Boostern
(Harlan Howard / Lyrics: Johannes "Ko-Do" Dittler 2021/23)

Nackenschalk-Version (Style of John Conlee)
"Brave" Version (Style Of Ray Charles)

I war neilich beim Arzt, wos d' freilich oft wartst
Wengan Boostern
Dort saß eine Frau, bei der denk i - genau !
Ans Boostern
Schöne Frau, küss die Hand ! Sag ich zu ihr galant
San sie aa Aspirantin ? I find's allerhand
Dabei gab's doch vü Schöneres statt warten mitnand
Aufs Boostern

Junger Mann, sie ham Recht, mir is eh scho ganz schlecht
Wemgan Boostern
Es kann diese Spritzen mein Gemüt schon erhitzen
Dieses Boostern
I bin ganz erregt, wann i so überleg
Da gibz aan Gedanken, den i no net lang heg
Was war' wann i mi ins Betterl leg
Stattn Boostern

***
während des solos könnt ihr das ende der
nur-text-facebook-version lesen:

an dieser stelle mußte ich den schlingel (Nackenschalk)
aus gründen der gemeinschafts-regeln unterbrechen:

jezz is awa schluß dann
mitn zusammenschustern
von gedichten übers boostern
i hab kaa lust dran
bring wo anders dein frust an
denk net immer ans herstellen von schuhwerk !

***

Es hat eh kaaner g'nissen, mia san afoch ohgrissen
Vom Boostern
Was die Hormone beschliaßen hat halt sein miassen
Statt Boostern
Wann's wen interessiert, was dann is passiert 
Wir ham dafür g'suagt, ganz ungeniert
Daß ma vor lauter Boostern die Freud net verliert
Am sch...öööön sprechen !
I bin eh brav g'impft, aber mei Doktor schimpft
Wengan Boostern
A Jaukerl is z'weng, drum is er so streng
Mitn Boostern
50,- Euro pro Schuß kassiert er mit Handkuß
Weil er ja schließlich von was leben muß
Und damit des net aufhört is no lang no net Schluß
Mitn Boostern

Dann stellt sich, oh Graus, letztendlich heraus
Daß des Boostern
Nimmer mehr funktioniert, weil der Virus mutiert
Oiso: Boostern
Da vergeht dir die Lust und du fragst voller Frust
Wie oft du dir noch die Nadel geben mußt
Daß da was net stimmt, wird dir lanxam bewußt
Beim Boostern

Ganz lanxam fallt's auf: so mancher geht drauf
Nachn Boostern
Mit leichtem Gewissen wird ganz leicht drauf g'schissen
Aufs Boostern
Und sollt' mi wer fragen: ja, wie kamma denn nur ?!
Dann muaß i eam sagn: gib endlich a Ruah
I booster dir Aane, da hast endgültig gnua
Vom Boostern