Das Einhorn
(Shel Silverstein / Arr. & Lyrics: Ko-Do 2015)
 

Karaoke-Version 2016


vor langer langer zeit, am anfang vom lebn
da hats no sehr vü platz für sehr vü viecher gebn
frei sans umadumgrennt - und aans war klar
daß des scheenste davon des einhorn war

da waren... grüne krokodü und weisse gäns
und kamö und a paar affen mit lange schwänz'
a paar spatzen, katzen, ratzen - und aans war klar
daß des scheenste davon des einhorn war

aber die menschen, de san in herrgott z' deppert wurn
und er wü eana a sintflut schicken in sein zurn
und zum noah hat er xagt, geh, fang gleich an
i brauch an tiergarten der schwimmen kann

für die... grünen krokodü und de weissen gäns
für d' kamö und für die affen mit de langen schwänz'
für spatzen, katzen ratzen - und paß guat auf
des einhorn muaß unbedingt aa mit drauf

und der noah hat ghackelt so schnell er nur kann
kaum war die arche fertig, fangts zum tröpfeln an
und er führt die viecherl auffe, immer zwaa und zwaa
auf amoi schreit er jessas na


i hab zwar die... grünen krokodü und de weissen gäns
de kamö und aa die affen mit de langen schwänz'
und die spatzen, katzen ratzen - aber, es is zu bled
de einhörner, de find i net

der noah schaut zum himmel, da schütt's scho ganz wüd
und die einhörner habn versteckerl gspüt
sie spritzen und hupfen im regn ummadumm
ach, ihr einhörner, was seids ihr dumm

da waren... grüne krokodü und weisse gäns
und kamö und a paar affen mit lange schwänz'
der noah schreit "luken dicht und volle fahrt"
jetzt wird nimmer auf aa einhorn gwart

die arche noah treibt dahin während des wasser steigt
und die einhörner bemerken, sie hams vergeigt
dersoffen sans alle, und des war de g'schicht
warum ma niemals nicht a einhorn siecht

man siecht... grüne krokodü und weisse gäns
und kamö und a paar affen mit lange schwänz'
sogar rosa elefanten san gesichtet wordn
nur ein viech nicht - und zwar das einhorn