(Ian Anderson / Arr. & Lyrics by Ko-Do 2011)
da oide hippie tragt de haar vü z'lang
und de jeans san vü zu weit
längst aus der mode, anachronistisch
raucht er sein joe vur alle leit
ringerl und ketterl, den kopf voller traam
er tanzt afoch glücklich durch de wöd
griaßt mit "respect" oder "peace", je nachdem wie eam grad is
und hat so guat wie nie a göd
doch 69 is lang her
und er packt's nimmer mehr
aber zum sterbn is er no z'jung
im sommer war er auf festl und hat ketterl verkauft
und im winter hat er gspart
hat nur glebt von de restl und hat si gfreit drauf
daß er nach indien obe fahrt
heut is er aner der letztn ewig-gestrign
seine freind ham's gschafft, wie ma so sagt
san verheirat, ham kinder, lebn gar im penthouse
ham ihr söl verkauft, ganz ohne frag
und manche habn sogar a klanes cabrio
mit dems zu cocktail-parties fahrn
a bissl feiern am sonntag, wieder hackln ab montag
aber die freiheit ham's verlorn
und 69 is lang her
sie packn's aa nimmer mehr
aber zum sterbn sans aa no z'jung
und der oide hippie schnappt si no amoi sei wandergitarr
und er raucht si bummfest zua
er spüt seine liader, ganz so wie friaher
de ganze nacht bis in der fruah
er macht auf des fenster, schaut obe, dann grinst er
er springt und schreit "ihr habt's verlurn"
er spiart no den aufprall, er heart no was brechn
dann is ois schwoaz wurn umadumm
und 69 is lang her
kaaner hat's packt wie er
weul zum sterbn war er no z'jung
69 is aa heite no
und er freit si scho
weul zum sterbn is er no z'jung