Der Planet
(© Hans Theessink 1992 / Arr. & Lyrics: Ko-Do 2016)



Probleme, oder a schwere Zeit
Hat's scho immer geb'n
Aber niemals war's so arg wie heut
Samma froh, daß ma no lebn
In der Zeitung kamma's lesen
Im Fernsehn strahlen s' es aus
Auf der Welt gibt's nix wia Breseln
Und aus die find ma nimmer raus

Refrain
Der Planet draht si ruhig weiter
Um die Sunn' ziagt er sei Bahn
Die Zeit vergeht und leider 
Gibt's Wunden, die aa sie net heilen kann

Der Mutter Erde rinnt des Bluat aus
Und überall hat's Narbn
Wir Menschen nutzen's nur aus
Wir ham ois verdorbn
Verbaut des Land, verdreckt des Meer
Des Klima draht si um
Wann nur des Luder Gier net wär'
Die macht uns alle dumm

Refrain

Aa der Haß wird immer stärker
Ziagt wie a Feuer über d'Wöd
Und macht alles no ärger
Und meistens weng dem Göd
Kain und Abel lassen griassen
Die oide, finstre G'schicht
Wir werdn uns ändern miassen
Hin zum Licht

Refrain