Gott sei Dank gibt's die Amis
(Warren Zevon / David Lindell - Arr. & Lyrics by Ko-Do 2014)



Es gibt a Land auf derer Wöd, des spüt gern Polizei
Und daß ma's wirklich brauchen, reden's uns dauernd ei
Nur Unbedarfte fragn no "Um welches Landl geht's ?"
Doch der Großteil waaß scho - es san die United States

Sie reden gern von Freiheit und von Demokratie
Wann des wo in Gefahr is, da miassen's sofort hi
Mit Bomben und Granaten wird der Frieden dann herg'stellt
Ja, sowas wie de Amis, des braucht de ganze Welt

Gott sei Dank gibt's die Amis
Gott sei Dank gibt's die Amis

Der Kampf gegn den Terror, des is a hehres Zü
Ja, von den Schurken-Staaten, da gibt's halt vü zu vü
Und daß a jeder glaubt dran, an ean're gfäulten Schmäh
Dafür sorgt die NSA und aa der CIA

Gott sei Dank gibt's die Amis
Gott sei Dank gibt's die Amis

Die Waffenproduzenten kriang weltweit niemals gnua
Drum is ja aa so selten auf der ganzen Welt a Ruah
Zum Trost setzens ins Weisse Haus sogar a schwarzes G'sicht
Doch der treibt - stellt sich dann heraus - de selbe alte G'schicht

Knapp 70 Jahr nachn Weltkriag da kummt er wieder drauf
Die pösen pösen Russen, die fiahrn ganz schee was auf
Dem westlichen Europa kummt gar nix spanisch vor
Und oin voran de Deutschen, singens jetzt im Chor

Gott sei Dank gibt's die Amis
Gott sei Dank gibt's die Amis