Die Scheenste Aller Welten
(Kris Kristofferson / Arr. & Lyrics by Ko-Do 3/2018)


i hab aan größeren drahrer g'macht
und eineg'schütt' die ganze nacht
die u-bahn hätt' mi z'haus grad 'bracht
wo's wurscht war' wie mei schädl kracht
da steht vor mir a kontrollor
der narr will unbedingt an fahrschein segn

in meiner fetten drah i mit eam an
ob er net waaß, was er mi kann
worauf der ach so nette mann
unterstützung kriagt von an wachmann
dann setzt bei mir d'erinnerung aus
und i waaß bis heut net wirklich was is gschegn

und i kamma's aa bis heut net recht vorstelln
wie i des durchdruckt hab da drin in dieser zelln
und draussen gebert's so vü schöne fraun
auf dieser schönsten aller welten, die wir haum

am nachmittag binni erst munter wurdn
mit an schedl in dem hornissen surrn
und auf die ganze welt an zurn
was hab i da herin verlurn
und i trommel gegen die zellentür
daß aaner kummert und mi ausse lasst


die tür geht auf und zwaa kieberer
der aane groß, der andre klaa
erklären mir in ganz ruhigen ton
den sachverhalt, und i hätt' schon
genug grenzen überschritten 
und aan binkl strafen aa scho ausgefasst

i hurch ma's an und frag dann: bitte schön
ob mich wer ausselassen kann aus dieser zelln
weil draussen gebert's so vü schöne fraun
auf dieser schönsten aller welten, die wir haum

nach lange stunden san's dann wiederkumma
hamma die sachen gebn, die's ma oo ham gnumma
dann hams no amoi ois aufgezöhlt
was i hab alles angestöllt
i hear no heut ihr "abschied", lieber freund
des wird ois ziemlich teuer werdn

und wanns net zahlst, wirst wirklich sitzen
3, 4, 5 monat kannst dann schwitzen
und nachdenken darüber, was des bringt
und weil des für mich ois so komisch klingt
fluach i leise vor mich hin, aber grad
so laut, daß es halt hearn


z'erst hab i aber and'res no vor mir
a guates papperl und dazua a guates bier
und ausserdem gibt's so vü schöne fraun
auf dieser schönsten aller welten, die wir haum