Elfenbeinturm (Alte G'spenster) (© by Ko-Do 2011)

In mein Elfenbeinturm, in mein Turm aus Musik Steh i oft allanig am Fenster I schau auffe zur Sunn, i schau auffe zum Mond Und dann hear i's, die alten G'spenster Und allanig vom Hearn kapier i scho gnua Nur wie bring i's obe auf's Brettl ? Mit steife Finger, mei Faulheit dazua Oder weul i mi grad wo verzettl Den aan oder anderen Song werd i nie, Ganz sicher nie söber spün Weul i hab ja eigentlich und irgendwie Kaan Auftrag, ka Soll zum erfülln Und in mein Elfenbeinturm, in mein Turm aus Musik Steh i oft allanig am Fenster I schau auffe zur Sunn, i schau auffe zum Mond Und dann rührn sich die alten G'spenster

Und sie geistern durch Texte, die i später erst schreib Wo i söbst nimmer waaß, um was geht Wo dann vielleicht hextens a Zeuln hängen bleibt Und der Rest wird vom Winde verweht Wie a angfangter Briaf, den ma fertig schreibt An an längst scho toten Empfänger Damit halt a bissl was überbleibt Und Totgsagte leben ja länger Und in mein Elfenbeinturm, in mein Turm aus Musik Verjag i die alten Gspenster I jag's auffe zur Sunn, i jag's auffe zum Mond Und dann mauer i zua des Fenster In an Elfenbeinturm, in an Turm aus Musik Steht aaner allanig am Fenster Schaut auffe zur Sunn, schaut auffe zum Mond Und dann heart er's, die alten G'spenster