Es Is, Wie's Is
(© by Ko-Do 2019)



es gschegn oft sachen, so im lebn
da krampft's di zamm
da denkst dir muaß i mir des gebn
muaß i des ham ?
aber des schixal fragt die net
wie's für di is

es is wias is
nur ob's SO guat is
is net g'wiss 

dann taucht aa auf die alte frag
warum grad i
darauf a gscheite antwort sagn
des geht fast nie
am besten fragt ma si gar net
warum's so is

es is wias is
nur ob's SO guat is
is net g'wiss 

ma wü's und wü's 
ganz afoch net kapieren
scho weng dem g'fühl
ma tät sonst resignieren
weil's so verdammt schwer einegeht 
in unser hirn

es is wias is
nur ob's SO guat is
is net g'wiss