Favoriten (El Paso) (Marty Robbins / Arr. & Lyrics: Ko-Do 2009)
In an klaan Beisl drunt in Favoriten Hab i mi in die Kellnerin verknallt Fast jeden Tag bin i durt in der Hüttn Weil mir die Kellnerin gar a so g'fallt Schwarz wie die Nacht san die Augn und sie funkln Amoi bös, amoi lustig – der Schmäh rennt dahi I bin verknallt wie a ganz junges Bürscherl I denk bei Tag und Nacht nur an sie An an schen' Abend kummt a Typ durch die Tür Fangt an zum braten bei ihr A Weul hab i zuagschaut, dann hab i gnua ghabt I hab eam xagt "lass' in Rua, de g'heat mir" Doch er draht sie ganz ruhig zu mir um Und er sagt nur "Was wüst denn ?" Dann greift er in d'Kutten, zaht ausse an Fisch Was hätt i solln machen, I greif zur Krachn An Augenblick drauf is er g'legn unterm Tisch Jetzt hast den Scheam auf, der hat vüle Freind da Sagt mir a Typ hinter vurg'haltner Hand Schau dass d' da furtkummst, so weit wia nur möglich Wanns irgendwie geht in a anderes Land Ausse auf d'Strassen, da steht mei Maschin Angstart' und nix wie dahin I hab mi ohgsäult, bin mit Vollgas ohbäult Da in der Stadt is für mi nix mehr drin Und i fahr durch die Nacht zu an Spezl Und i suach a Versteck Bevor i da in Favoriten verreck'		I hab a Zeit lang als U-Boot dahing'lebt Doch irgendwann wird ma alles zu eng 3 Jahr san vergangen und garnix wird besser Weil i no immer an de Kellnerin denk I tank mein Bock auf und scho geht's dahin Eine mit Vollgas nach Wien Wann i a Pech hab, dann werns mi daschiassn Doch jetzt hab i nur mehr mei Kellnerin im Sinn Und i bin scho ganz nah an der Stadt auf der A 23 A halbe Stund no, dann bin i durt Es miaßert si ausgeh, kurz vor der Sperrstund I hoff ganz stark, sie is no net furt Hat mi wer verpfiffen ? Da parken 3 Eisen Wie i ums Eck biag hin zu dem Lokal Des Liacht is hoib ohdraht und alles is leise Irgendwas is do heit net ganz normal i stess die Tür auf da stengans vor mir "Oida, heit is aus mit dir" Rechts zuckt a Faust auf, links blitzt a Messer I gspia an Stich und i geh in de Knia Doch i denk an die Kellnerin und i wü wieder aufstehn Des Bluat rinnt ma obe, do knallt a Schuss I kann mi net haltn, mir wird schwarz vur de Augen I gspia tiaf in mia jetz is endgültig Schluss Wie durch an Nebel da siech i ihr Gsichtl Sie busslt mi o und halt mi im Arm Na is denn des Leben net a saubledes Gschichtl ? Für des bissl Glück bin i letztendlich gstorm