I bin g'sessn in an Nachtzug
und i summ leise a Liad
Vis-a-vis von mir da sitzt a Typ,
zum redn war ma z'miad
Wir ham ausse in die Nacht gschaut,
dass die Zeit schneller vergeht
Doch dann is uns fad wurdn,
und dann hat er gredt

Er hat gsagt „i bin a Spüler“
und i kenn oft scho die Karten
Was der Andere in der Hand hat,
wann i nur a bissl schau
Und i siech in deine Augn,
du muaßt auf Assen warten
Fia a Schluckerl von dein Whiskey
erklär i dir's genau

Na, i gib eam halt mei Flaschn,
und er draht si no an Tschick
Dann trinkt er langsam aus
und er prost' ma dabei zua
Und plötzlich is ganz stü wurdn
und versteinert wird sei Blick
Und er sagt, wannst wirklich spün wüst
Dann huach ma jetzt guat zua

Refrain
Du muaßt wissen wannst was reißt,
muaßt wissen, wannst es schmeißt
Wann's Zeit zum Ohsäuln is
oder Zeit fia a neichs Zü
Und schau net drauf wievüs'd mit hast
solangst no mittn drin bist
Obst verluan hast oder gwunna,
des waaßt eh erst nachn Spü

Jeder Spüler kennt
a paar Tricks zum Überlebn
Du kannst mit jeder Kartn gwinna
und mit jeder aa verliern
Ghalt fia di was'd wirklich brauchst,
des Andere kannst wem gebn
Und wannst sterbn muaßt dann hoff halt,
es soll im Schlaf passiern

Wie er aufgheart hat zum redn,
da hat er sein Tschick ohdämpft
Dann schlaft er langsam ein
und sei G'sicht wird richtig blaß
Und irgendwo im Traam
hat er wem den Jackpot ohkämpft
Und aus dem was er derzöht hat,
ziag i fia mi a As

Refrain