| Generation X (© Ko-Do 2004) |
||
I tätowier ma jetzt an Drachn auf de Nasn Angeblich stengans auf so was, de jungan Hasn Dann no a Ringerl durch de Uhrn und a Stangerl durchn Bauch An Zippverschluss am Oasch, des is alles, was ma brauch I siech kaan Sinn mehr drin, da höfn kaane Tricks Lost generation – Generation X Lost generation – Generation X I laß ma 'n Pimmel greeßa operiern Des Material dazua des nehmen's ma ausn Hirn Des habns mir scho vor lange Zeitn gsagt In a paar Jahr is Intelligenz nimmer mehr gfragt I siech kaan Sinn mehr drin, da höfn kaane Tricks Lost generation – Generation X Lost generation – Generation X Jeds Madl laßt si 'n Busn greeßer machen Dann kennan d'andern nimmer mehr über sie lachn Und alle machns nur mehr safer sex Mit an gummi, der nach himbeer-gulasch schmeckt I siech kaan Sinn mehr drin, da höfn kaane Tricks Lost generation – Generation X Lost generation – Generation X |
I fahr mitn mountain-bike durchs Stianghaus und derschreck de Leit Geh nur bei rot über de Kreizung, weus mi eh scho nix mehr gfreit Beim Bungi-Jumping hoff i, daß es Seul reißt Damit sie wieder wer darüber sei Mäu z'reißt I siech kaan Sinn mehr drin, da höfn kaane Tricks Lost generation – Generation X Lost generation – Generation X Im Fitness-Center kämpf i mit mein Bauch Mit Anabolika – naja, mit Hanteln auch I trag nur Fetzn, de i kauft hab beim Versace Und nur in maßgschneiderte Bock von Gucci hatsch i I siech kaan Sinn mehr drin, da höfn kaane Tricks Lost generation – Generation X Lost generation – Generation X I fliag auf Urlaub in de DomRep und nach Thailand Was interessiert mi scho Kultur – der Dom von Mailand ? Und aus der Kirchn tritt i aus und werd Buddhist Muster mei Badehosn aus und werd Nudist I siech kaan Sinn mehr drin, da höfn kaane Tricks Lost generation – Generation X Lost generation – Generation X |
|
|
|
||