I bin haaß auf mi
(© 2004 by Ko-DO)



De ganze Wöd is voller Freid
Doch i bin blind – mit "eyes shut wide"
Und i denk immer nur an sie
Und bin deswegen ganz haaß auf mi

Links a Blonde, rechts a Rote
Lauter Gsunde, kaa Marode
Aber i denk immer nur an sie
Und bin deswegen ganz haaß auf mi

Komödie, Spüfilm – alles klaß
I zapp nur durch – ois is a Kaas
Weul i denk immer nur an sie
Und bin deswegen ganz haaß auf mi

A Oldie und a neiche Nummer
Kaa anzigs Liad von Liebeskummer
Doch i denk immer nur an sie
Und bin deswegen ganz haaß auf mi

I schalt des Hirn oo – mach auf bled
Weul mir scho ois auf d'Nervn geht
Und trotzdem denk i nur an sie
Und bin deswegen ganz haaß auf mi