I Haaß Hannes (Namen Sind Schall Und Rauch oder Nomen Est Omen)
(© by Ko-Do 2020)



i haaß hannes, weil's mit tauft ham
nach'n werten herrn papa
i haaß hannes und drum sauf i
fast sovü wie der opapa
der hat aa johannes g'haaßen
aber g'haaßen hat er nix
und i kumm sicherlich no drauf
fia was des guat is - himmefix

i haaß hannes
der hannes kann es
was da dran is ?
frag den hannes

i haaß hannes und nenn mi kodo
weil mir afoch danach war
"gott is gnädig" g'fallt mir scho, doch
irgendwie is's gar net wahr
denn "der wahre weg der götter"
was kodo übersetzt dann haaßt
zeigt dir nur: mach liaber meter
weil so a gott is oft a g'frast

i haaß hannes
der hannes kann es
was da dran is ?
frag den hannes

i haaß kodo oder hannes
je nachdem, wie mir grad is
i bin froh, weil einer kann es
ganz egal, welcherner's is
ganz egal, worum es geht
a namen hilft mir nix dabei
ruaf mi hannes, kodo, oder depp
solang i g'maant bin - einerlei !

i haaß hannes
der hannes kann es
was da dran is ?
frag den hannes

doch der haaßt kodo
i wunder mi scho do
ob er es kann
so wie johann