No net lang her und net in Betlehem
In der U-Bahn in Mariahüf
Hab i an oidn Sandler gsehn
Der hat gsagt "Geh bitte hüf"
I waaß net wo i schlafn soi
In dera Kötn heite Nacht
Der Herrgott hat net überoi
An Stoi zum Büsln gmacht
Beim Gerngross drin spüns "Jingle Bells"
Mei, Weihnachtn, des is schee
Der Sandler in der U-Bahn draußt
Der kann des net versteh'
No net lang her und net in Betlehem
In der Karlsplatz-Passage
Hab i bummzua an Junkie gsehn
Den hat a Kieberer ohgwatscht
San des ned beide aa nur Buam
Von ana Maria irgendwo
Und nur weu kaana Jesus haaßt
Keun si de zwaa oo
In der Wachstubn drin spüns "Jingle Bells"
Mei, Weihnachtn, des is schee
Der Junkie, der de Hieb grad kriagt
Der kann des net versteh' |
|
No net lang her und net in Betlehem
Na, im Fraunhaus in der Stadt
Hab i a liabes Madl gsehn
Des was ihr Oida prügelt hat
Des aane Aug war ganz verschwoin
Und sie hat great ois wie nur was
Irgendwann, da hat er s' doch gern woin
Und überbliebn is nur der Haß
Und irgendwo spüns "Jingle Bells"
Mei, Weihnachtn, des is schee
Des Madl durt im Fraunhaus
De kann des net versteh'
No net lang her und net in Betlehem
Na, überoi und jedn Tag
Da hab i mi söba im Spiegl gsegn
Jedesmal stöll i mir de Frag
Bist aa scho koit und herzlos wurn
Wie der Ebenezer Scrooge ?
Hast aa scho 's ganze Gfühl valurn
Is des irgendwo verflutscht ?
Und irgendwo spüns "Jingle Bells"
Mei, Weihnachtn, des is schee
Und überoi gibt's irgendwen
Der kann des net versteh' |