Köpferl In Sand
(Arik Brauer - Arr.: Ko-Do 2015)



Er hat a klaanes Häusl in der greanen Au
Er hat an guaten Posten und a dicke süße Frau
Er tuat si bei der Arbeit net de Händ verstauchen
Er kann an jeden Sundog a Virginia rauchen
Da sagt er "mir gehts guat, auf de andern hau i in Huat drauf"

Refrain:
Hinter meiner, vorder meiner, links, rechts güts nix
Ober meiner, unter meiner siach i nix
Spür nix, hear nix und i riach nix
Denk i nix und red i nix und tu i nix
Waun da Wind wahd in de Gossn
Waun da Wind wahd am Land
Waun da wind wahd, do steckt er
Sein Köpferl in Sand

Do zeig i eam a Stadt aus lauter Fetzen und Scherbn
An Platz wo die Kranken im Rinnsäu sterbm
Gras in der Schüssel, im G'sicht de Fliang
Die Kinder haum an Wasserbauch und Kretzn am Hirn
Sie stinken wie der Mist, damits das net vergißt

Da sagt er "Hinter meiner, vorder meiner..."

I was an Platz da traut sie kaana was sagn
Und rührn sie sich a bisserl, sans dawischt beim Kragn
Da holns die Kieberer um viere in da Fruah
Eine ins Häfen, die Tür fest zua
Sie brechn eana de Händ und tretns in de Zähnt

Da sagt er "Hinter meiner, vorder meiner..."

Es pfeifn de Granaten, es donnert und kracht
Sie hockn in der Gruabn die ganze Nacht
Sie schiaßn auf alles was sie riaht
Sie schiaßn daß die Krachn gliaht
Da Mutter ihre Buam, fallen um als wia de Ruam

Da sagt er "Hinter meiner, vorder meiner..."