Kreuz & Halbmond
(© by Ko-Do 2006)

Auf jedn berg obn steht a kreiz
In österreich und in der schweiz
Im alpenraum halt, wia ma sagt
Da ham si sicher gnua leit plagt
Min auffezahn und min montiern...
Dass si de moslems net geniern
Do jetzt weng religiöser gfühle
Auf amoi z'fordern: an halbmond wüll i !
Dabei is des ois nur erfunden
Gefaked – von aner künstlerrundn
Ham mir denn kaane andern suang
Frogn si de gestern, heut und muang
Trotzdem tuat si aner net entblödn
Sich wortreich dazu z'wort zu mödn
I sag kaan namen, weil der hojac
Mi sunst vielleicht per anwalt ohwatscht
Wies heut der brauch is weit und breit
Wo jeder gleich nachn richter schreit
Egal, wie's ausgeht, was passiert
Hauptsach de leit san polarisiert
Damit des werkl schee weiterrennt
An was si grad DIE herrn ham gwehnt
Wo kaa kreiz net nutzt, kaa halber mond
Weuls eh net wissen, wo gott wohnt…