Du baust wirklich nur mehr Mist
(Doc Pomus, Mort Shuman / Arr. & Lyrics: Ko-Do)



Wanns di gfreit, geh doch fuat
Hau dir d' Nacht um die Uhrn bis d' ganz deppert bist
Wanns di gfreit, schitt di zua mit was d' wüst
Wirst scho segn wie du muang scheppern wirst

Oba denk immer dran
I hab dir alles xagt bevors d' gangen bist
Heast Oide, du baust wirklich nur mehr Mist

Wanns di gfreit, geh zum Männerstrip
Schau dir an de nackerten Chippendales
Wanns di gfreit, schitt dir eine ins Hirn
Was d' dir sunst niemals einekippn täst

Oba denk immer dran
I hab dir alles xagt bevors d' gangen bist
Heast Oide, du baust wirklich nur mehr Mist

Was glaubst du, wem du was z'fleiß tuan wüllst ?
Des bist immer nur du söbst
I waaß ois Bsoffener, wie stoakst di fühlst
Obwoist di in Wirklichkeit nur quöst

Wanns di gfreit, dann vagiss auf mi
Vagiss auf d' Kinder und vagiss aufs Leben
Wanns di gfreit, find was anders
Und du wirst glauben, es kann da des söbe gebn

Oba denk immer dran
I hab dir alles xagt bevors d' gangen bist
Heast Oide, du baust wirklich nur mehr Mist