Lifestyle
(© by Ko-Do 2007)



zwanzgtausend fia an armani-fetzn
de tät i nackert in a glashaus setzn
staffiers mit woll und nadln aus
strick dir was zum anziagn draus
vurher lassert i s' net raus

hundertvierzgtausend fia a schwammerl
sowas gheat eigsperrt in a kammerl
brot und wasser – 14 tag
jede stund stöll i de frag
ob wer a schwammerlsoss ham mag

zig millionen fia a büdl
dem tät i umhängan a schüdl
"i bin a depp und werds aa bleim"
und lass eams aa no unterschreim
so stöll i eam ins "guggenheim"

zig milliarden fia neiche waffen
des san de greßten von de affen
i machert denen glatt den gfoin
erfind so a laser-pistoin
stölls an de wand und tuas zerstroin

i bin ja söba aa net besser
fünfhundert fia a "original"
beatles oder stones, des is egal
i hab grad strafweise beschlossn
i spü so lang auf der kärntner-strossn
bis die finanz-lücke geschlossen