Manchmal frisst mi der Neid
Auf ganz wüdfremde Leut
Und i denk ma ab heut
Mach i's aa so gscheit
Aber i kumm nie weit
Weuls mi garnet gfreit
Und ois was ma bleibt
Is der Neid

Manchmal gspiar i aa an Hass
I waaß garnet auf was
Und i denk ma "ach was !
Des wirst scho wieder los"
Aber des Übermaß
An Gfühl is vü zu groß
Und was mi net verlaßt
Des is der Haß

Manchmal gspiar i a Gier
Auf ois Mögliche in mir
Und i denk irgendwia
"Alles mir ! Alles mir !"
Aber kriang tua i's nia
Alles geht in die Bliah
Nur was i nie verlier
Des is die Gier

Manchmal gspiar i aa an Frust
I hab auf garnix a Lust
Mehr so unbewusst
A klaana Stich in da Brust
Es is wie a Verlust
Wird dir dann bewußt
Des wast bekämpfen mußt
Des Is der Frust

Egal ob Haß oder Neid
Egal ob Frust oder Gier
Grad wann mi garnix mehr gfreit
Da gspiar i no was in mir
Stärker wie alles z'samm
Ja, es is kaum zum glauben
Daß da no so was brennt
Was ma Liebe nennt

Stärker wie alles z'samm
Ja, des is kaum zum glauben
Daß da no so was brennt
Was ma Liebe nennt