Mi Söba Hab I Nie Gspiat (Ron Miller / Kenneth Hirsch / Arr. & Lyrics: Ko-Do 2011)
Heast Oida, ja du, Oida, Der grad sei Lebn verfluacht Du bist frustriert weulst niemals gfunden hast, Was ma halt so suacht Es is halt so – ma tramt davo Aber machen tuat ma's nie I hätt damals aa gern an ghabt, Was i jetzt gern war' für di I war im Burgenland und in Griechenland Und waaß Gott wo auf der Wöd Mit die Ladies aus der Society Hat mir niemals wirklich was gföhlt Dauernd Höhenflug, dauernd Söbstbetrug Jetzt waaß i wohin des fiaht I hab mi gfühlt wie im Paradies Nur mi söba hab i nie gspiat Heast Oida, bitte Oida, Huach jetzt net afoch weg I muaß dir unbedingt dazöhn Warum i allan steh auf mein Weg Wann i di siech, dann siech i mi Des Strebn und des Bebn Es sagt mei Herz dir voller Schmerz: Es gibt was And'res aa im Lebn		Ja, es war sehr nett mitten im Jet-Set Mit'n Champagner-Glas in der Hand Im Casino im noblen Monte Carlo Und in Cannes am Badestrand So manche feine Dame war Feuer und Flamme, Hat Geheimnisse ausparliert I hab mi gfühlt wie im Paradies Nur mi söba hab i nie gspiat He, waaßt was is Paradies is ? A Schmäh ! A Fantasie, die ma sie baut, wie de Wöd ausschaut,  so wie ma's gern hätt.  Und waaßt was Wahrheit is ?  Des Bier was d' grad trinkst, und die Frau mit ders d' grad gstrittn hast  – de söbe, mit ders d' auf d'Nacht wieder in de Hapfn hupfst  – des is Wahrheit, des is Liebe Manchmal wird ma klar, wie verruckt i war Weul i's Normale ganz auslassn hab Aber des High-life fiaht an net weiter auffe Eher obe Richtung Grab Vor lauter Raffinessen hab i ganz vergessen Ma wird davon afoch nur miad I hab mi gfühlt wie im Paradies Nur mi söba hab i nie gspiat