ÖBB
(Traditional / Arr. & Lyrics: Ko-do 2015)

Get Shockwave/Flash-Plugin !


Von Neusiedl nach Bregenz, sozusagen von See zu See
Gibt's Wegerl, Strassen, Schienen zum Fahren und aa zum Geh'
Ma könnt' aa fliang, doch sagt ma, des is längst net so schee
Wie gmiatlich in an Schlafabteil von der ÖBB

Chorus
Es lebe hoch die Bundesbahn, die fahrt überall hie
Elektrisch und mit Diesel, und mit Dampf aus Nostalgie
Ob als Pimperlbahn, als Schnellzug, oder gar als ICE
Fahrt durch unser scheenes Österreich überall die ÖBB

Südbahn, Westbahn, Ostbahn und die Nordbahn aa
De ham's in Wien jetzt zammenglegt zu aan Bahnhof allaa
Wannst da am falschen Bahnsteig stehst, muaßt oft ziemlich weit geh'
Hast a Pech, dann winkst eam nur mehr nach, dem Zug von der ÖBB

Chorus

Mei allerliabste Strecken, die fiahrt durch's Erlauftal
Durch Wiesen, breit und blumig, durch Schluchten eng und schmal
A jeder Schaffner kennt mi scho und immer rennt der Schmäh
Des wird si aa nie ändern, Dank sei der ÖBB

Chorus

Wie alle Strecken hat des Lebn auch eine Endstation
Da brauch i mi net fiachten, i kenn des ois ja schon
Mir is aa wurscht, wie's weitergeht, ob Himmel oder Hö'
Ganz sicher geht a Zug durthin von der ÖBB

Chorus