| Pegasus (Leonard Cohen / T: Johannes "Ko-Do" Dittler 2024-12-11) |
Original 1. Probe-Durchlauf, absolut
unbehandelt) |
|
| Aktueller Mix (Stand 2024-12-12,
12:00h) |
Letztes Update: gröbere Lautstärke-Ausgleiche und ärgste Zischer entfernt, |
|
|
|
||
Stell dir vor, du bist Dichter und dein Pferd brennt durch Net, daß nur afoch davonrennt, na hurch ! Der Pegasus is ein geflügeltes Roß Der bockt net und springt net - der fliagt afoch los Und du sitzt im Sattel und waaßt net wie dir g'schiecht Und schreibst wie vertrottelt Gedicht um Gedicht Und kaum is aans fertig, ob Lied oder Text Schiaßt's näxte schon ein - ja, es is wie verhext Manchesmal fliegt er eh nur ganz dicht über'n Bod'n Des wird oft a richtige Cover-Version Aber fliagt er aan Looping, dann wird mir ganz schlecht Und was i dann schreiben soll, des waaß i net recht Der Pegasus, der hat eindeutig sei Freud Aber mich beutelt's durch und i fürcht die ganze Zeit Daß's mich irgendwann irgendwo obehaut Was mei' Dichter-Karierre irgendwie dann versaut Bis jetzt is guat 'gangen und nix is g'schehn Und i hab's irgendwann fast als witzig g'sehn Daß da ja eigentlich ganz was Schräges passiert Weil ja offenbaar 's Pferd den Reiter dressiert Abunzu fliagt er aa in a anderes Land Das Ergebnis wird dann als "all inclusive" bekannt Und draht er dann ganz durch, bis auffe zu die Stern Dann soll das wahrscheinlich ganz was Göttliches werd'n |
Und wann i amoi sing "Stellt's meine Ross' in Stall" Dann gültet das unbedingt und auf kaan Fall Für das aane, des was man ois Pegasus kennt Weil bei der Dichterei gar nix mehr sunst rennt Von mir kriagt er täglich sein Habern, sei Heu Und schiaßt mir dann sowas Unmögliches ein wie "Sstell dir vor, du bist Dichter und dein Pferd brennt durch" Dann schnief ich gerührt in mein Taschentuach Say a prayer for the poet who's horse ran away Without any remorse and left him astray Wann der Pegasus wegrennt, hilft nur a Gebet Weil auf Schimpfen und Fluachen, da hurcht er net Treu und g'scheit wie a Hund, zach und frei wie a Katz Und no dazua aaner, der voller Kraft strotzt Braucht er afoch sein Freilauf und kommt eh wieder z'ruck Wann er's Beten dann hört oder's Fell nimmer juckt Und schon is es fertig, dieses seltsame Liad Und ganz erschreckt merk ich, was so alles passiert Wann a mystisches Pferd davongaloppiert Und wie schnell man im Leben oft die Zügel verliert Auf amoi weckt mich mein Schatzl "Was is mit dir los ? Du wieherst und schnaubst und schnarchst wie a Roß ! Mich tät interessieren, was traamst du da bloß ? Ihr wißt es jetzt: vom Pegasus |
|
|
|
||
Ballad of the absent mare (Cover-Version)
A Freund Und Sei Freundin (Wienerische
Version)