Ötscherland-Express" (Pendelzug)
(Steve Goodman / Arr. & Lyrics: Ko-Do 2007)

20 mal am Tag von Pöchlarn richtung Gresten Nach Kienberg, und kaa Müchbank lass i aus I bin a Nebenbahn, net aane von de greeßten Und i fahr 20 mal am Tag aa wieder zhaus Bis mitte 60 im Dampfbetrieb Und dann als „Blauer Blitz“ beliebt Und jetzt kumm i als Schnellbahn-Zug daher A knappe Stund durchs Erlauf-Tal Wann's schnö geh soll, is des a Qual Und ziemlich lang für 38 Kilometer CHORUS Ja griaß euch, liabe Mostviertler ! Wie gehts'n ? I bin's - eicher Ötscherland-Express Wer mit mir fahrt kennt ka Hudln und ka Hetzn I fahr euch gmiatlich umanand ganz ohne Stress

Mit mir fahrt ma zum Wieselburger Volksfest Hast nach der Schul a Aufgab, na dann schreibs Hast was haklichs im Gepäck drin, na dann hoits fest Weul i brems oft sehr abrupt in der Gegend von Scheibbs Alte Muatterln, de am Friedhof fahrn Junge Spund, de was grad schifoan warn Und der Huber-Bauer fahrt auf de BH I bin da Anschluss-Zug fia d'Schmalspur-Bahn I führ a manchmal B'soffne haam So a Pendel-Zug is wirklich für an jeden da CHORUS Manchmal, wann i allan in da Remis steh Fahr i im Traam Wien-Bregenz in 2 Stund Dann hab i an Speisewagn, an Schlafwagn und – ihr wissts eh Überall Rauchverbot, weul des is garnet xund Und oft hab i scho überlegt Wie's andere Bahnen stü ham glegt Ob's mi aa auf an Postbus umstölln wern ? Doch bis dahin fahr i mein Trott Tagaus, tagein, und – sapperlot Und, meiner Sö - i mach des wirklich gern CHORUS

LIVE 2018-09-14 'S Wohnzimmer. Wr. Neustadt