Hoch in die Gipfeln der ewigen Wahrheit
Siecht ma sich was bewegn, wamma ganz genau schaut
Da reit' Aaner entlang auf an Pferd, des Musik haaßt
A Liad auf die Lippen und a Tränen im Aug

Und er traamt vor sich hin von vergangener Liebe
Wie er gspüt hat für sie, wie's nur geht für DIE Frau
Aber wir fragen eam nie und er redt aa nix drüber
Vielleicht is so gscheiter – vielleicht geht's uns nix au

Und er seufzt "Oooh" mit seine Lieder
Und "Oooh" seufzen aa die Fraun
Dann reit' er davon auf  sein Pferd, des Musik haaßt
's Herz voller Schmerz und a Tränen im Aug

Quer durchs Land is er g'ritten aufn Pferd, des Musik haaßt
Er hat net vü verdient, weul auf's Göd kummts net an
Wann die Zeit danach is, dass des Pferd, des Musik haaßt
Dich bis auffe in Himmel und no weiter tragn kann

Und jetzt is er nur mehr a Art ewiger Cowboy
Traamt ewig von friaher und er waaß ganz genau
Des Pferd hinter eam, er wird's nie wieder reiten
Und er nennt's jetzt Erinnerung an diese Frau

Er seufzt "Oooh" mit seine Lieder
Und "Oooh" war's fast gscheng gwesen um manche Frau
Und er reit' auf sein Pferd weg, des nimmer Musik haaßt
's Herz voller Schmerz und a Tränen im Aug

Hoch in die Gipfeln der ewigen Wahrheit
Da stengan zwa Kreuz auf dem Platz ganz genau
Wo a Cowboy liegt neben an Pferd, des Musik haaßt
Und trotzdem reiten's ewig – Schau hin, huach dir's au