Lieber Jung Und Pumperlxund
(Lee Hazlewood / Arr. & Lyrics by Ko-Do 2012)



Mit meiner Xundheit wird es immer schlimmer
I laß zur Zeit scheinbar kaa Krankheit aus
Mei Leben spüt si ab im Wartezimmer
I bin scho mehr beim Doktor als wie z'haus

I hätt's mitn Altwerden net so gnädich
Weul in mein Leben geht's no rund
Aber wann scho leben dann tät ich's
Lieber jung und pumperlxund

Angfangt hats mit an leichten Ziagn im Ruckn
An Zug derwischt – wird si scho wieder gebn
Heut kann i kaum mehr liegn und steh und huckn
Und der Arzt sagt "San's doch froh, dass no leben"

Ja, aa mitn Sterbn hätt i's net gnädich
Weul in mein Leben geht's no rund
Aber wann scho leben dann tät ich's
Lieber jung und pumperlxund

Jetzt stapeln sich dahaam scho die Befunde
Drei Bände dick und es nimmt no kaa End
I drah wöchentlich schee brav mei Ärzte-Runde
Wo mi scho jede Krankenschwester kennt

I hätt's mitn Xundwerdn langsam gnädich
Doch immer fehlt no aa Befund
Des is kaa Leben, des tät ich
Lieber jung und pumperlxund