Relativ
(© by Ko-Do 2020)

i kann austern schlürfen und schnecken essen
und an echten kaviar naschen
aber wanns d' mit brot und wasser net z'frieden bist
dann halt lieber die goschen
weil: wir wissen, ois is relativ
der einstein hat's uns geb'n
was is scho hoch, was is scho tief
in bezug auf standard im leben ?

i treib mi nur herum in in-lokale
weil vielleicht kumm i ins fernsehn
aber wann du maanst, des war' des normale
es gibt vü, de des net gern sehn
weul die wissen, ois is relativ
den einstein ham's kapiert
da wird's leben bezüglich hoch und tief
relativistisch relativiert


i trink cocktails immer nur handgeschüttelt
von der letzten jungfrau, die's no gibt
des is nix geng a kriagl von der kellnerin
wann's dir's mi'n g'wissen lachen ummeschiebt
ja, aa sie waaß: ois is relativ
und warerst aa der einstein
des leben is immer a hoch und tief
und es wird immer a wein sein

i kann nach bali fliang oder auf d' bahamas
all inclusive, selbstverständlich
doch fragt auf deutsch der animateur: na, wie hammas
bin i no immer z'haus, letztendlich
weil raum und zeit san relativ
um d' halbe welt, zum nicht daheim sein
da wird die optik ziemlich schief
des kapiert nur mehr der einstein


Refrain
a royce bringt dich von A nach B
net vü besser wie a 2 CV
hast eam no immer net durchschaut den schmäh ?
ah eh... na, genau