Salty Dog
(© by Ko-Do 2019)



i hab unlängst gschaut am google
was is eigentlich a salty dog
und i hab kriagt an ganzen mugl
antworten auf mei frag

a alter seebär könntert's sei
vom salzwasser durchtränkt
oder a cocktail, gleich mit'n rezept dabei
wie ma'n mixt und richtig eischenkt
von läufiger hündin bis hin 
zu an dauer-gamsigen mann
es is a wahnsinn, wie ma salty dog 
übersetzen kann

mit aan wurt 
es gibt kaa wurt
für an gsalznen hund in wean
weil es gibt seit kaisers zeiten
bei uns kaane seebären
und a cocktail im land des spritzweins
des kann sicher nur a witz sein

da bleibt gamsig über und läufig
als antwort auf mei frag
ja, solche leut triff i recht häufig
bei mir haaßen's jetzt "salty dog"