Schiffbruch
(Kris Kristofferson / Arr. & Lyrics: Ko-Do 2013)



Aa wannst no so vü strampelst, steht dir's Wasser trotzdem bis zum Hals
Ganz egal an was d' hängst, schmeiss weg - am besten gleich ois
Weul des Leben is a endloser Fluß auf dems d' hilflos dahintreibst
Zwischen Wirbeln und Stromschnelln muaßt aufpassen, daß d' oben bleibst

Wannst mit Freund' reden möchst, wie leiwand doch alles war friaher
Dann entdeckst zu dein Schreck die san weg – des geht leider net
Und die traurige Wahrheit – du bist jetzt allaa – haut di nieder
Und du waaßt net amoi wie lang des alles no weitergeht

Und a klaans schlaues Biachl, des ma jahrelang ghabt hat zum Nachschaun
Wo ois drinnen steht was ma braucht, so daß ma's versteht
Des macht an jetzt klar, was für Bledsinn des war, was ma glaubt hat
Und des macht aan verruckt, daß ma am liabsten den Huat draufhaun tät

Und i sing "Himmelfix, i siech nimmer mehr hin zu mein Zü
Weul de Funsel am End vom Tunnel, de leucht' leider net
Und I treib immer weiter im Finstern, wo i net hin wü
Sing ma a Liad oder gib mir an Grund, daß ois weitergeht !"