Apropos "Schrullig"
(© by Ko-Do 2019)



I bin der absolute Schrull
Mit an Niwo weit unter Null
Hab beim Tarock ganz gern die Trull
Mei Lieblingsband haaßt Jethro Tull

I hab an riesengroßen Pascher
Eh klar, i bin nämlich ein Hascher
Wo jeder waaß, wohin des fiahrt
Daß ma im Schädl deppert wird

I bin der absolute Schrull
Und wüll i fliang, trink i Red Bull
Weul ma dann Fliagln kriagln sull
Des is genau des, was i wull

I hab an riesengroßen Pecker
Eh klar, i find das Bier zu lecker
Wo jeder waaß, wohin des fiahrt
Daß ma im Schädl deppert wird

I bin der absolute Schrull
I pinkel aa in'n Swimming-Pool
Weul i mi net hinplagen wull
Zur Tür, drauf mit der Doppel-Null

I hab an wunzig-klaan Genierer
Sunst war' i längst bei die Verlierer
I war' a Oaschloch und a Knierer
Da is mir folgendes vü liaber:

I bin der absolute Schrull
Mit an Niwo weit unter Null
Die Trull, Red Bull und Jethro Tull
Reichen mir - eigentlich vull