Die Ballade von der Sissy Berger
(Shel Silverstein / Arr. & Lyrics: Ko-Do 2003 / 2014)
Karaoke Version 2014
Acoustic Version 2003
Die Muangsunn scheint durch d'Jalousien
In die Augn von der Sissy Berger
Wie's da liegt in ihren klaan Zimmer
In an klaan Gemeindebau
Sie traamt von an klaan Prinzn
I hoff nur, irgendwann finds 'n
Und dann machts die Augn zua
Und die Wöd verschwimmt im Blau
Refrain
Mit 37 da is ihr aufgfoin
Sie hat ziemlich vü zum nachhoin
Sie fahrat so gern in an Cabrio
Der Wind waht in die Haar
Drum laßts des Handy leitn
Und sie traamt von oide Zeitn
Wie's no jünger war und scheener
Und wie alles besser war
Acoustic Version 2014
Ihr Oida der is längst im Büro
Und die Gschrappn san in der Schul
Und sie denkt immer wieder
Des kann doch net alles sein
Sie kennt bügeln oder staubsaugn
Zammramma oder ohstaubn
Oder nackert auf de Strassn gehn
Und alles ausseschrein
Refrain
Die Abendsunn scheint rosarot
In die Augn von der Sissy Berger
Wie's da obnsteht am Balkon und
Sie kanns nimmer mehr ertragn
Der Rettungsmann, der's hoidn wü
Erweckt in ihr a letztes Gfü
Es is ihr Prinz und sie geht mit eam
Zum großen weißn Wagn
Mit 37 da is ihr aufgfoin
Sie hat garnix mehr zum nachhoin
Wie's dahinfahrt durch de Strassn
Und der Wind waht in die Haar