Angfangt hat's als klaaner Bua scho
In die Ferien am Land
Beim Fuatamahn in aller Fruah scho
Da hamma gsungen mitanand
Und aan, zwa Mal in jeder Wochn
Hat bei uns 'probt a klaane Band
Wann i da diafn hab mit machen
Hat scho in mir des Feuer brennt:

Refrain
I werd amoi eigne Liada spün
I muaß Gitarr' spün und Singen übn
Sogar beim Baden am Donaustrand
Da klimper i dauernd umanand
Bis zu mein 70er gib i mir Zeit
2027 is no weit
Weul dann, des is mei fester Wün
Werd i in der Stadthalle spün

Im Lauf der Zeit, da hab i g'merkt dann
Was die Musik an alles gibt
Des hat sich immer mehr verstärkt dann
I war fast sowas wie verliebt
Z'erst in die Schlager aus die 50er
Dann warn's die Beatles und die Stones
Und Aans hab i dann gwußt ab Woodstock
Es zählt jed's Wort und jeder Ton

Das Schicksal hat mi g'numman in die Lehr'
Und meistens hab i ghabt a Glück
Aber zum Üben hab i kaa Zeit ghabt mehr
Hab höchstens zuaghört der Musik
Wie's dann amal so richtig g'scheppert hat
Hab i oft 'denkt allan dahaam
Und grad wie mi des ois fast deppert macht
Taucht wieder auf mei alter Traam:

Refrain

I hab scho ganz sche vüle Lieder gmacht
Und hab aa öfter schon wo gspüt
Und manchmal hab i heimlich bei mir 'dacht
Ob irgendwer vielleicht jetzt fühlt:

Refrain

I werd amoi eigne Liada spün
I muaß Gitarr' spün und Singen übn
Weul irgendwann, des is mei fester Wün
Werd i in der Stadthalle spün