(© Kris Kristofferson / Lyrics: Johannes "Ko-Do" Dittler 2024-10-22)
I bin aufg'wacht in der Fruah
Und hab a Stund braucht bis i g'wußt hab, wer i bin
A Kaffee war dann scho gnua
Daß i a Lust kriagt hab i schau irgendwo hin
Und i drah' mir a paar Jolly
Dann schau i nach is aa beim Rolli die Batterie voll
Weil wo i hinrollen wü da draußt
Und dann aa wieder z'haus is ziemlich weit
Langsam dämmert mir die letzte Nacht
Wo i wissen wollt, wie vü i no vertrag
Des hat immerhin die Erkenntnis 'bracht
Daß ma so an Blödsinn besser gar net fragt
Und i g'frei mi über's Zausl
Wie's da sitzt am Vogelhausl und a Nuß frißt
Und die Lebenslust springt umme
Vom Eichkatzl wie a Eichkatzl auf mi
Refrain
A paar Stund in der Natur nur
Des renkt so manches wieder ein
Am Abend, z'Mittag, oder in der Fruah
Und es muaß ka Sunntag sein
Es gibt nix, was an so aufbaut
Und wegnimmt den schlimmsten Schmerz
A paar Stund in die Natur g'schaut
Des heilt sogar a z'brochnes Herz
Unt' im Wasser streiten d' Fisch
Mit die Anten um des Futter was i mitbring
Und im Kopfhörer renn' isch
Wie i mein Rosenbacherl-Hit sing
I roller wieder Richtung z'haus
Von an Ausflug, der war des reinste schöne Cleansing
Und dann mach i no a Foto
Von an Sportwagen, der mir längst scho nimmer fehlt
Refrain
