In der Kuchl von der Mama, im Regal ganz hint'
Is a geheimnisvolles Schachterl glegn
Sie war immer ganz haglich, daß jo kaaner find't
Und wir hams immer nur ganz kurz gsegn
Da hats was aussegnumma und hat a Wasser aufgstöllt
Nachn Kriag in der harten Zeit
Des hats dann einegriahrt, hat uns die Teller hingstöllt:
"A guates Supperl gibt's heut !"

Und I schwör dir, des hat gschmeckt wie's allerbeste Essen
Nach Henderl, Nudln, Fleisch – fast wie Magie
Dabei is nur a bissl Wasser mit Erdäpfl gwesn
Und a Suppenwürfel von Maggi

Jahrelang hat sie's behütet, ihr klaanes Geheimnis
Wir ham nur gwußt, daß recht nahrhaft war
Und immer wann sie's grührt hat in die Suppn eine
Hats gsungen dazua hell und klar:
"Des is a Zauberding, und so lang ma des habn
Wird's immer was Guates gebn
Ma braucht nur vü Liebe und a bisserl Magie
Genauso wie aa sunst im Leben !"

Und I schwör dir, des hat gschmeckt…

Mit der Zeit warn die Zeitn dann immer besser
Und es geht uns guat, ganz ohne Frag
Der Hunger is klaa, aber die Gier is größer
So is amoi heutzutag
Wann i heute wo gmiatlich was einkauf zum Essen
Volle Regale, daß ma fast nix find't
Kann i die Mama in der Kuchl afoch net vergessn
Und des klaane Schachterl ganz hint'

Und I gschpia wieder den Gschmackn…