| Susi (Shel Silverstein / Arr. & Lyrics: Ko-Do 2015) |
||
Karaoke Mei Vater is ooghaut, da war i erst zwaa Des passiert in andre Familien aa und des war aa weiter net so schlimm für mi es kummt aa vua, daß aaner sauft aber daß er sein Buam dann "Susi" tauft des is scho heavy, weil der Bua war i Er hat halt glaubt, des is soo lustig Aber mei ganzes Lebn war ziemlich frustig Ab der Schul is dauernd der Häkl grennt De Madln habn kichert, de Buam habn g'mobbt Aan Wickl pro Tag hab i mindestens ghabt Es is net leicht für an Kerl, den ma "Susi" nennt Da wird ma hart und als a Großer War i dann gwaschn mit alle Wasser Und i bin zogn voll Zurn von Stadt zu Stadt Weil i suach eam, des hab i mir gschwuan Und i werd eam waaß Gott was antuan Den Kerl, der mir des alles antan' hat In aan klaan Nest im Süden unten Da hab i eam dann wirklich gfunden I wollt a Bier, weil es war ziemlich haaß Da san aa gsessen an aan Tisch zu viert Habn Soletti gfressen und tarockiert Mitten drin, der Oasch wegn dem i "Susi" haaß Der Oasch - i maan, mei lieber Votta Hat no immer ausgschaut wie auf den oidn Foto De Narbn auf der Wangen, des Gschau so selbstgerecht Er war no immer groß, aber halt grau und oit I schau eam an und i werd eiskoit I schrei "i haaß Susi, wie gehts ? Gleich geht's der schlecht" |
Acoustic I schiab eam aane an, daß eam niederhaut Er hupft glei wieder auf, des hätt i eam net zutraut Mit aan Feitl in der Hand geht er auf mi los Mit an Sessel prügel i eam durch die Tür ausse auf d'Strassn, doch er geht net in de Bliah Mia raafn und bliatn und schwitzen weiter als wie nur wos I hab scho bessere herblattlt Aber irgendwie hat er si wieder derrattelt A zaacher Hund, denst net so schnell wo findst I hear eam fluachen, dann hear i eam lachen I glaub jetzt suacht er nach seiner Krachen I ziag meine schneller und er steht da und grinst Und er sagt "Waaßt, de Wölt de is zum Scheißen Und als Mann da muaß ma si durchbeissen Daß i dir net helfen können werd' hab i scho gwißt I hab die "Susi" gnennt und hab mi vertschüßt Friß oder stirb - wie's halt so ist Der Namen war's daß d' jetzt so bist wie's d' bist Du hast jetzt kämpft wie a Löwe, echt net schlecht Und du haßt mi und du hast aa's Recht Daß d' mi ohknallst, ohne daß i groß was sagn kennt Aber bevor i stirb, sollterst dankbar sei Daß d' a Mann wurn bist, groß und stark und frei Weul i bin der Oasch, der di hat "Susi" g'nennt Und mir is plötzlich ganz anders wuan I sag zu eam "Voda", er nennt mi sein Buam Und a ganz a andre Meinung hab zum Schluß i Er geht ma oft no durchn Sinn Wann i wieder amal im Lebn wo gwinn Und wann i jemals aan Sohn hab, nenn i eam... Franz oder Karl, oder Rudi oder Helmut - alles - nur net Susi |
LIVE 2018-09-14 'S Wohnzimmer, Wr. Neustadt