(Chuck Berry / Lyrics by Ko-Do 2024)
Des Terramonte is a klaans Lokal bei mir ums Eck
Des taugt mir, weil i geh normal net gern von z'haus weit weg
Terra haaßt soviel wie Erd' und Monte is der Berg
Und wannst des aneinander hängst, haaßt's klarerweis Erdberg
Wann i als alter Erdberger ins Terramonte geh
Fühl i mi automatisch z'haus und es rennt a gleich der Schmäh
Von viere nachmittag bis umma zwaa in der Fruah
Alle Tag, nur Sonntag und an Feiertag' is zua
An großen Hunger derfst net ham, weil es gibt nur Toast
Wanns schön is, sitzt man draußen z'samm, also Freunde: Prost !
A buntgemischte Gästeschar, Erdbergs Haute Volée
I glaub, i werd bald wieder amoi ins Terramonte geh'
Musik gibz aus der Dose, und auch Wünsche wer'n erfüllt
Beim Darts is oft de Gaude groß, weil jeder gleich schlecht zült
Mit de Chef-Leut' und der Kellnerin kamma si guat versteh '
I glaub, i werd bald wieder amoi ins Terramonte geh'