Des Andere End'
(Jimmy Krondes / Lyrics by Ko-Do 2024)



am andern end von an rengbogn
da kommt a jeder drauf
bis daher hams di ang'logn
aber jetzt find't ois sein lauf
und du suachst nach der wahrheit
strebst nach erkenntnis gar
und erkennst voller klarheit
du warst scho immer a narr

des and're end von an fluß is
net unbedingt de quölln
wann dir des net bewußt is
dann verwirrt di jede wölln
aa des leben is a fluß
der verrinnt ois wie die zeit
und nur a narr is am schluß
um nix g'scheiter wie heut

des and're end von an weg
is a unerreichtes zü
irgendwie wird's scho schräg jetzt
da kamma sagn, was ma wü
des liadl wird sunst eh z'lang
wann i an schluß nur fänd'
ja, des war' dann der anfang
vom anderen end