Z'Vü Davon Macht B'soffen
(Brian May / Arr. & Lyrics: Ko-Do 2018)



I bin scho lang nimmer mehr, wie i amoi war
Zu vieles rennt verkehrt, des is mir klar
I bin zu weit weg von mein Zü
Aber pack's amal so lang wie i
Des blöde G'spü

I kumm mir ang'logen vor und um mei Leben betrogen
Weil's mir in aaner Tour über nix nie die Wahrheit sagen
Und denk i darüber nach
Macht's mi irgendwie ganz schwach
I hab des G'fü

Z'vü davon macht b'soffen
Und z'wenig macht an Durscht
Und du bist erst a König
Beim Status: ois is wuascht
So wurscht, wie des, worum es geht
Weil aans is ganz normal
Z'vü davon macht b'soffen
Von was - is egal

I bin a Schatten nur von dem, der i amoi war
Des is a groß' Problem, des is mir klar
Was war i für a Frohnatur
Und jetzt fühl i mi immer nur
Als hätt i a Burn-Out

Und and'rerseits: stell dir afoch amoi vua
Du steherst jetzt statt mir in meine Schuach
Du finderst sicher aa kaan Sinn
I glaub scho fast i bin
Irgendwie verfluacht

Z'vü davon macht b'soffen
Und gar nix - is a Krampf
Wie's ausgeht, des bleibt offen
Wer g'winnen wird den Kampf
I waaß nur, daß i verruckt werd'
Im Hirn und aa im Herz
Z'vü davon macht b'soffen
Und es schmerzt

Ja, z'vü davon macht b'soffen
Und du kennst di nimmer aus
Ja, z'vü davon macht b'soffen
Und du findst da nimmer raus
Du tuast was d' kannst, du tuast was geht
Doch immer bleibt die Qual
Z'vü davon macht b'soffen
Jedes Mal