Im Turm der Musik
(© by Leonard Cohen / Arr. & Lyrics by Ko-Do 2012)



Meine Freund san alle weg, meine Haar werdn grau
Was früher leiwaund war, zipft mi jetzt ois au
I tät mi so gern wohl fühln, aber i hab kaa Glück
I zahl nur schee brav mein Zins da im Turm der Musik

I frag den Hank Williams, wie's eam denn so geht
Aber der Hank Williams gibt kaa Antwort net
I hör eam immer nur huasten, wie auf an starken Tschick
Hundert Stockwerk über mir im Turm der Musik

I hab angeblich so was wie a goldene Stimm
A so a Gottesgabe is oft wirklich schlimm
Spanische Engel passen auf, daß i aa immer richtig tick'
Und daß i net zu vü sauf im Turm der Musik

A Voodoo-Pupperl hast ? Na, wie außergewöhnlich !
Tuat ma laad, mei Pupperl, des schaut mir net ähnlich
I steh am Fenster, wo's ganz hell is, damit's a jede siecht
Ka Frau kann mir was antuan im Turm der Musik

Verbittert bin i, glaubst ? Sei dir sicher vor oin
Die Reichen werdn no an die Armen zoin
Beim jüngsten Gericht, aber vielleicht war ois nur a Trick
Von de vüln Stimmen in mein Kopf da im Turm der Musik

I siech di jetzt steh drübn am andern Ufer
So weit weg, du hearst net mein Ruafer
"I mag di, i mag di, i wü di wieder gspian !"
Alle Brucken san ohbrennt, wo ma ummekennt'
Und alles is so nah, was ma verlurn haben am End
Aber diesmal werd ma's nie wieder verliern

Pfiat di Gott, bis später, i waaß net bis wann
Unser Turm übersiedelt, und sobald i kann
Rühr i mi wieder bei dir und mit a bissl Glück
Hörst mi ganz sanft zu dir redn aus'n Fenster
Im Turm der Musik

Dann werd' i sanft zu dir redn aus'n Fenster
Im Turm der Musik