Wann i valiabt bin
(© Ko-Do 2004)




Wann i valiabt bin, bin i anders als wie sunst
Da draht si in mein hirn dann alles um
Da interessiert mi dann statt fussball plötzlich kunst
Und meine hawara vergiss i – des is dumm

Bin butterwaach, geh trotzdem über leichen
Weul i a zü vur mir hab – und des zü is sie
Hab sternderl in die augn statt dollarzeichen
Und fia mi deppert auf als wie sunst nie

Wann i valiabt bin hat die wöt an rosa schimmer
Sogar der graue alltag schaut dann aus wie bunt
A jeds mal glaub i dann, desmal, des halt für immer
I bin doch wirklich wahr a bleder hund

Und trotzdem mecht i dieses gfühl net missn
Reds ma's net aus – es warat umasunst
I glaub an dieses gfüh – stur und verbissn
Wann i valiabt bin, bin i anders als wie sunst