a oida mann sitzt da und fiattert die tauben
und ma siecht's eam an er kann's selber net glauben
daß des sei anziger bezug zu vögeln is...
aber sei alter sagt eam: des is g'wiß
vögln - ma siechts überoi
vögln - om am berg unt im toi
vögln - a jeder waaß' eh:
ohne vögln war' des lebn nur halb so schee
ois a junger, da woit er mit die adler fliang
vor lauter hunger, er könnt net gnua von der freiheit kriang
und er denkt si no, von so an liadl der refrain
den singt zur not a jeder papagei
vögln - ma hearts überoi
vögln - om am berg unt im toi
vögln - a jeder waaß' eh:
ohne vögln war' des lebn nur halb so schee
irgendwann wird er ganz sicher mit die vögln ziang
unvermeidlich wird sei weg dann aufe zua ohbiang
und er wird höher sein, als wie a jeder vogel is
und da gibt's was des er aa durt obn net vergißt
vögln - gibts überoi
vögln - om am berg unt im toi
vögln - a jeder waaß' eh:
ohne vögln war' des lebn nur halb so schee