Ois Is Verbaut
(Miki Del Prete, Adriano Celentano, Luciano Beretta / Arr. & lyrics: Ko-Do 2018)



Des oide Liad da vom Celentano
Geht mir in's G'miat drum übersetz i's jetzt aa no
Und weil i gar net italienisch kann
Bin i auf's Ergebnis selber ziemlich g'spannt
Na, werma schaun...

Des is die G'schicht von an Buam draußt am Land
Der klaane Wicht hat gar nix anderes 'kannt
Als ausse auf d' Wiesen und ausse in Wald
Und baden im Wildbach, war's aa no so kalt
Heut gibt's ka Wiesen mehr, egal wohin ma schaut
Der Wald is abg'holzt und der Wildbach aufgestaut
Ois is verbaut

Wir haben damals g'spüt Cowboy und Indianer
So echt und so wüld wie sonst damals kaaner
Die Küah auf der Waad waren unsere Bisons
Heut tuat's ma laad, mir ham's g'jagt über d' Wiesen
Heut gibt's ka Wiesen mehr, egal wohin ma schaut
Da ham's a Riesenmeer Wochenend-Häusl hinbaut
Ois is verbaut

I bin dann selbst in die Stadt zogn, taugt hat's mir net
Weul mit nix als Beton die Freud schnell vergeht
Der Frust war mei Triebkraft für mei Karriere
Und i hab's g'schafft, g'hear zu die Millionäre
Die sich am Land draußt so a Wochenend-Haus baun
Mit an Vorgartl, nur a Wiesen is des kaum
Ois is verbaut

I sitz im Gartl 
Und i denk nach
Wo san die Wiesen
Wo is der Bach
Wo is der Wald hin
Fragt mi mei Gewissen
Ois is verbaut
Ois is verbaut