Von alle Seiten (Karaoke)
(Joni Mitchell / lyrics: Ko-Do 2018)



die luft, der boden, des meer verdreckt
die halberte natur verreckt
daß da der mensch dahinter steckt
is wohl den meisten klar
und wanns dann endlich reagieren
tuans amal ois evaluieren
a jeder kann sich informieren
nur - was davon is wahr ?

Refrain
i schau mir's von alle seiten an
damit i mi entscheiden kann
was richtig is, und i find's schon ganz normal
daß mir das meiste ziemlich wurscht is und egal

der aane wü ois regulieren
verbot und paragraph regieren
der andre lasst si net beirren
und denkt sich laissez-faire
doch kaaner denkt an kompromiss
weil nur sei meinung richtig is
um die sache selbst, die so wichtig is
geht's längst schon nimmer mehr

Refrain

fast jedes thema auf der welt
hab ich inzwischen festgestellt
wird grundsätzlich so dargestellt
daß es polarisiert
grad und ungrad, schwarz-weiss und bunt
hint' und vorn und oben und unt'
viel gibt's, was i no aufzählen kunnt'
falls sich wer interessiert

i hab scho ois von alle seiten g'seng
und brauch längst nimmer überlegn
was richtig is, weil scheinbar is's normal
daß mir das meiste ziemlich wurscht is und egal