Weil Wieder Wahlen San
(Paul Simon / Arr. & Lyrics by Ko-Do 2019)



Demnächst is's wieder an der Zeit
A Kreuzerl z'machen, wann's aan g'freit
Nur wo, des sollt ma sich guat überlegn
Vü zu vü is wegen an Kreuz scho gschegn
Und wer sei Stimm abgibt, der hat nachher kaane mehr
So a Malheur
Und alles nur, weil wieder Wahlen sind

Drum, Leutln, denkts guat drüber nach
Wie's i vor langer Zeit scho g'macht
Seither lass i mi afoch nimmer quöln
I geh doch net a klaaners Übel wöhln
Und schau dann 4 Jahr zua, wie's aan Hotschke nach'n andern drahn
Weils deppert san
Und alles nur, weil s' halt wer g'wöhlt hat

Wöhln is a Recht, und net a Pflicht
Darum versteh i alle nicht
De aan dann immer fest einreden wolln
Daß wir um Himmels Willen doch wählen gehn sollen
Und dazua faselns meistens irgendwas von Demokratie
So überzeugt san sie
Und froh, daß wieder Wahlen san

Wahrscheinlich, weil s' was ändern wollen
Was doch die G'wählten hätten sollen
Wann sich durchs Wählen wirklich was ändern tät
Glaubt's mir's Leutln, dann diaferts net
Des ganze Machtsystem gangert ohne brave Wähler in die Knia
Drum suangs dafia
Daß regelmässig wieder Wahlen san

Teile und herrsche funktioniert
Des haben halt z'wenig erst kapiert
Na, sie haun sich lieber d'Schädln ein
Weil wer net "mein" wählt muaß a Bledl sein
und zufrieden damit grinsen alle G'sichter von der Werbewand
Im ganzen Land
Und alles nur, weil wieder Wahlen san