| Ein Wienerlied (© by Ko-Do 2007) |
||
A paar Clichés, Schmalz in d'Stimm, Dialekt... geht scho ! Hello Wien, du Drecksnest an der Donau Aha, i merk scho – es kummt aa aufn Ton au Da Dialekt allanig macht des Kraut net fett Und „Drecksnest“ klingt halt wirklich net sehr nett Also noamoi Hallo Wien, du Dorf von aaner Wödstadt Wo jeder Kaiser is, aa wann kaaner a Göd hat Weul i da groß wurn bin, drum hab i di so gean Du bist so anders aber doch mei liabes Wean War scho besser, oder ? Aa wann i immer wieder laut darüber keppl Du hast dir einiges scho oogschaut vom „Big Apple“ Sogar beim Heurign spüns „Strangers In The Night“ Vü öfter als „Du guate alte Zeit“ |
Apropos „Alte Zeit“… Und „Heut kumman d'Piefke auf Urlaub nach Wean“ Da kamma wieder stundnlang in „Westerwald“ hean Dann fressns no Grammeln und sagn Grieben dazua Ja sowas vertragst nur mitn Weana Hamur Der is a eigenes Kapitel Dieser Hamur besteht zum greßtn Teul aus Raunzn Aber andrerseits aa in der Pestgruam taunzn So wie's scho gmacht hat der liabe Augustin Weana Leut, Weana Freud – alles is hin Des „Weana Madl“ kennt ma in da ganzn Wöd A gstatzte Gretl, tulli drauf und aa guat gstöllt Die Weana Gmiatlichkeit kummt größtnteuls vom Wein Ja aber grebelt, aber grebelt, aber grebelt muaß er sein Und trinken tamman im Drei-Viertel-Takt So lang bis daß er uns wo niederprackt |
LIVE 2018-09-14 'S Wohnzimmer, Wr. Neustadt