Harley-Lied
(Gustav Pick / Arr.  & Lyrics: Ko-Do 2006)		    

LIVE 2018-09-14 'S Wohnzimmer, Wr. Neustadt

''Meine'' Original Version

Live im Café Industrie 1.8.2014

  
I hab a oide Harley
Am Biker-Treffn kauft
Und zwar vom Rotn Karli
Der was a sovü sauft
Jetzt gheart der Godern mir halt
I zangl umanand
Und nach 3, 4, 5 Bier halt
Da fahr i dann auf's Land
Nur Vollgas mit der Viertn
Auf d'Westautobahn rauf
A Bremsn, na, de brauch i net
A wann da wo a Radar steht
Und wia i so dahifoa
Da gspiar i's in mir drin
Daß i de rechte Pratzn hab
Daß i a Biker bin
I wü ka Kawasaki net
Suzuki, Honda pack i net

Mei Stolz is mei Harley, a Wahnsinns-Maschin
In dem Eisn da steckt fia mi's ganze Leben drin
Da fühl i mi wohl und da macht ois an Sinn
So a Harley is halt a Wahnsinns-Maschin

I bin jetzt vierzig Jahr alt
Genau wia mei Maschin
Solang i mit ihr fahr halt
Is allweul no ois drin
Und reiß i amoi a Bankl
Und gib den Löffl oo
Dann soll's auf meiner Harley sein
Vollgas, holloderooo
Spüt's dazua oide Hadern
Drahts volle Pulle auf
I bitt ma's aus: ka langsams Liad
Da wird i ja im Sarg no miad
Des is a Muaß, des Umziagn
In die letzte Garage
Und alle Leut solln merken:
Des war a Biker, es Bagage
Und auf mein Grabsta da soll stehn
Damits die Leut a deutlich sehn:

Sei Stolz war sei Harley, a Wahnsinns-Maschin
In dem Eisen da is gsteckt sei ganz' Leben drin
Da hat er si wohlgfühlt, des hat gmacht an Sinn
So a Harley is halt – a Wahnsinns-Maschin